Сертыфікацыя

У адпаведнасці з артыкулам 23 Закона Рэспублікі Беларусь ад 24.10.2016 №437-З «Аб ацэнцы адпаведнасці тэхнічным патрабаванням і акрэдытацыі органаў па ацэнцы адпаведнасці», абавязковаму пацвярджэнню адпаведнасці падлягаюць аб'екты ацэнкі адпаведнасці пры наяўнасці адной з наступных падстаў:

у дачыненні да прадукцыі або прадукцыі і звязаных з патрабаваннямі да прадукцыі працэсаў распрацоўкі, праектавання, пошукаў, вытворчасці, будаўніцтва, мантажу, наладкі, эксплуатацыі (выкарыстання), захоўвання, перавозкі (транспартавання), рэалізацыі і ўтылізацыі ўстаноўлены тэхнічныя патрабаванні тэхнічнага рэгламенту Рэспублікі Беларусь або тэхнічнага рэгламенту Еўразійскага эканамічнага саюза і адпаведным тэхнічным рэгламентам Рэспублікі Беларусь або тэхнічным рэгламентам Еўразійскага эканамічнага саюза прадугледжана абавязковае пацвярджэнне адпаведнасці гэтых аб'ектаў ацэнкі адпаведнасці з указаннем формы пацвярджэння адпаведнасці;

у адносінах да аб'екта ацэнкі адпаведнасці ўведзена абавязковае пацвярджэнне адпаведнасці ў сувязі з неабходнасцю прыняцця аператыўных мер дзяржаўнага рэгулявання.

Ацэнка адпаведнасці - прамое або ўскоснае вызначэнне выканання тэхнічных патрабаванняў, што прад'яўляюцца да аб'екта ацэнкі адпаведнасці;

Сертыфікацыя - форма ацэнкі адпаведнасці, што праводзіцца органам па сертыфікацыі, якая можа насіць абавязковы (абавязковая сертыфікацыя) альбо добраахвотны (добраахвотная сертыфікацыя) характар і вынікам якой з'яўляецца дакументальнае пасведчанне адпаведнасці аб'екта ацэнкі адпаведнасці тэхнічным патрабаванням;

Пацверджанне адпаведнасці прадукцыі ажыццяўляецца ў адпаведнасці з патрабаваннямі пастановы Дзяржаўнага камітэта па стандартызацыі Рэспублікі Беларусь ад 25 ліпеня 2017 г. № 61 "Аб зацвярджэнні Правілаў пацвярджэння адпаведнасці Нацыянальнай сістэмы пацвярджэння адпаведнасці Рэспублікі Беларусь"

Орган па сертыфікацыі пакідае за сабой права адмовіць заяўніку ў прыняцці заяўкі на правядзенне работ па пацвярджэнню адпаведнасці і (або) заявы на ажыццяўленне адміністрацыйнай працэдуры, і (або) скасаваць дзеянне дагавора на правядзенне работ па пацвярджэнню адпаведнасці ў выпадку выяўлення (наяўнасці) рызыкі бесстароннасці для органа па сертыфікацыі. Разам з тым, орган па сертыфікацыі можа адмовіць заказчыку ў прыняцці заявы або захаваннi дзеяння дагавора сертыфікацыі, калі існуюць відавочныя і істотныя прычыны, такія як ўдзел заказчыка ў незаконнай дзейнасці, паўторнае выяўленне неадпаведнасцяў патрабаванням сертыфікацыі / патрабаванням да прадукцыі або аналагічныя прычыны, якія тычацца заказчыка.

Прапануем Вам ацаніць якасць паслуг, якія аказваюцца органам па сертыфікацыі прадукцыі на адпаведнасць патрабаванням пажарнай бяспекі, запоўніўшы Анкету ацэнкі задаволенасці Кліентаў.

Просім запоўненую анкету выслаць па e-mail: rcce@mchs.gov.by